Einstaklega falleg espresso kaffivél úr 50´s línu SMEG. Heimilin hafa tekið ítölsku kaffihefðinni opnum örmum og hefur hún sigrað bragðlauka jafnvel kröfuhörðustu kaffiunnenda.
Alvöru ítalskur espresso
Reiddu fram alvöru ítalskan espresso, kremaðan cappuccino eða dásamlegan latte macchiato heima hjá þér. Smeg espresso kaffivélin er með Thermoblock hitakerfi sem tryggir bæði hraða upphitun vélarinnar fyrir notkun og nákvæma stýringu vatnshita við gufumyndun, uppáhellingu kaffis og heits vatns. Ofantalið, auk 15 bar dæluþrýstings, skilar fullkomnum espresso kaffidrykkjum í bollann, jafngóðum og þú færð á heimsins bestu kaffihúsum.
Fjölhæf og notendavæn
Stjórnborð með tvöföldri valmynd er ofan á vélinni sem gerir þér kleift að velja 4 tegundir espresso drykkja allt eftir þínum smekk. Plús takkinn skiptir á milli hvítrar valmyndar með 1 epresso / 2 espresso og appelsínugulrar valmyndar með 1 löngum espresso / 2 löngum espresso. Vélin er einnig með flóunarstút sem gerir þér kleift að mynda þykka og kremaða froðu fyrir cappuccino með því að blanda saman gufu, lofti og mjólk. Ofan á kaffivélinni er falleg plata þar sem fullkomið er að geyma og hita upp espresso kaffibolla áður en hellt er upp á kaffi. Mögulegt er að fjarlægja affallsbakkann með bollastandinum til þess að koma háum bollum fyrir undir kaffistútunum. Smeg espresso kaffivélin hentar bæði fyrir malað kaffi og kaffipúða og fylgja þrír mismunandi filterar með vélinni; filter fyrir malað kaffi (1 bolli), filter fyrir malað kaffi (2 bollar) og filter fyrir kaffipúða. Auk þess minnir kaffivélin þig á hvenær afkölkunar er þörf og hvenær tæma þarf affallsbakka.
Alþjóðleg verðlaun
Viðtökur 50´s smátækjanna frá Smeg hafa verið frábærar og hafa þau unnið til fjölmargra alþjóðlegra verðlauna. Smeg espresso kaffivélar hafa hlotið Good Design Awards og Red Dot Design Awards, á meðan Smeg kaffikönnur með filter hafa fengið IF Design Awards.